மகான் படத்தோட அடுத்த சிங்கிள்... சில மணிநேரங்கள் காத்திருங்கள் மக்களே!

      சென்னை : நடிகர் சியான் விக்ரம், துருவ் விக்ரம் உள்ளிட்டவர்கள் லீட் கதாபாத்திரங்களில் நடித்துள்ள படம் மகான்.

இந்தப் படம் பிப்ரவரி 10ம் தேதி அமேசான் பிரைமில் ரிலீசாக உள்ளதாக அறிவிக்கப்பட்டுள்ளது.

மகான் படம்

நடிகர் விக்ரம் தொடர்ந்து அடுத்தடுத்த வெற்றிகளை கொடுத்து வருகிறார். அவரது மகான் படத்தில் முதல் முறையாக தனது மகனுடன் நடித்துள்ளார். கார்த்திக் சுப்புராஜ் இந்தப் படத்தை இயக்கியுள்ளார். வரும் பிப்ரவரி 10ம் தேதி இந்தப் படம் அமேசான் பிரைமில் நேரடியாக வெளியாக உள்ளதாக அறிவிக்கப்பட்டுள்ளது.

விக்ரம் -சிம்ரன் ஜோடி 

விக்ரம் -சிம்ரன் ஜோடி

படத்தில் சிம்ரன், வாணி போஜன், பாபி சிம்ஹா உள்ளிட்டவர்களும் முக்கியமான கதாபாத்திரத்தில் நடித்துள்ளனர். நீண்ட நாட்களாக திரையில் நடித்து வந்தாலும் முதல் முறையாக இந்தப் படத்தில் விக்ரமின் ஜோடியாகியுள்ளார் நடிகை சிம்ரன்.

சிம்ஹா போஸ்டர்

செவன் ஸ்கிரீன் ஸ்டூடியோஸ் சார்பில் லலித் இந்தப் படத்தை தயாரித்துள்ளார். சந்தோஷ் நாராயணன் படத்திற்கு இசையமைத்துள்ளார். படத்தில் விக்ரம், துருவ் விக்ரம் ஆகியோரின் போஸ்டர்கள் மட்டுமே வெளியான நிலையில் படத்தில் முக்கிய கேரக்டரில் நடித்துள்ள சிம்ஹாவின் போஸ்டரையும் அவரது கேரக்டர் குறித்தும் படக்குழுவினர் தற்போது தகவல் வெளியிட்டுள்ளனர்.